မကြာသေးမီက လူလိုက်ပါသော အာကာသသိပ္ပံ သုတေသနနှင့် အသုံးချရေးစနစ်၏ အရည်အသွေးလုပ်ငန်းဆိုင်ရာ အစည်းအဝေး နှင့် တရုတ်အာကာသစခန်း၏High Energy cosmic-Radiation Detection (HERD) Facilityစီမံကိန်း စတင်အကောင်အထည်ဖော်ရေးနှင့် လှုံ့ဆော်ရေးအစည်းအဝေး တို့ကို ဘေဂျင်းမြို့တွင် ကျင်းပခဲ့သည်။

ဆယ်စုနှစ်တစ်ခုကျော်ကြာ အစဉ်တစိုက် ကြိုးပမ်းသုတေသနပြုခဲ့ပြီးနောက် ကွမ်ရှီးတက္ကသိုလ် (GXU)၏ နက္ခတ္တဗေဒနှင့် ရှာဖွေတိုင်းတာရေး နည်းပညာ သုတေသနအဖွဲ့သည် အရေးပါသော နည်းပညာဆိုင်ရာ အောင်မြင်မှုများ ကို ရရှိခဲ့ပြီးHERDစီမံကိန်း၏TRD subsystemအတွက် အင်ဂျင်နီယာဖွံ့ဖြိုးတည်ဆောက်ရေး တာဝန်ကို ဦးဆောင်ထမ်းဆောင်ခဲ့သည်။

ကွမ်ရှီးတက္ကသိုလ် ဒုတိယဥက္ကဋ္ဌLiang Enweiသည် အဆိုပါ အစည်းအဝေးများသို့ တက်ရောက်ခဲ့သည်။

HERD Facilityစီမံကိန်း သည် တရုတ်အာကာသစခန်းပေါ်တွင် အစွန်းရောက်စကြဝဠာ (extreme universe)စူးစမ်းလေ့လာရေး အတွက် အရေးပါသည့် ထိပ်တန်းအဆင့် သိပ္ပံနှင့် အင်ဂျင်နီယာစီမံကိန်းကြီးတစ်ရပ် ဖြစ်သည်။

စီမံကိန်း၏ သိပ္ပံဆိုင်ရာ ရည်မှန်းချက်များတွင် အမှောင်ဒြပ် (dark matter)ကို တိုက်ရိုက်မဟုတ်သော နည်းလမ်းဖြင့် ရှာဖွေဖော်ထုတ်ခြင်း၊ စွမ်းအင်မြင့် စကြဝဠာရောင်ခြည်များ (high-energy cosmic rays)ကို တိကျစွာ တိုင်းတာခြင်း နှင့် ကောင်းကင်တစ်ပြင်လုံး၏ ဂမ်မာရောင်ခြည် စစ်တမ်း (all-sky gamma-ray survey)ပြုလုပ်ခြင်း စသည့် ရှေ့တန်းသိပ္ပံသုတေသနများ ပါဝင်သည်။

ဤစီမံကိန်းမှတစ်ဆင့် အာကာသနက္ခတ္တဗေဒ (space astronomy)နယ်ပယ်တွင် သမိုင်းမှတ်တိုင်ဖြစ်စေမည့် မူလပထမအဆင့် သိပ္ပံဆိုင်ရာ အောင်မြင်မှုများ ကို ရရှိနိုင်မည်ဟု မျှော်လင့်ထားသည်။