မကြာသေးမီက ဗီယက်နမ်နိုင်ငံ အမျိုးသားစီးပွားရေးတက္ကသိုလ် (National Economics University of Vietnam)၏ ၂၀၂၆ နွေရာသီစခန်း ကို ကွမ်ရှီးတက္ကသိုလ် (GXU)စီးပွားရေးစီမံခန့်ခွဲမှုကျောင်း (School of Business Administration)တွင် ကျင်းပခဲ့သည်။

အဆိုပါ နွေရာသီစခန်းကို ၁၃ ရက်ကြာ ကျင်းပခဲ့ပြီး “ဘာသာစကား + အသက်မွေးဝမ်းကျောင်းပညာ + ယဉ်ကျေးမှု (Language + Profession + Culture)”ကို အဓိကဆောင်ပုဒ်အဖြစ် သတ်မှတ်ခဲ့သည်။ ဗီယက်နမ်နိုင်ငံ အမျိုးသားစီးပွားရေးတက္ကသိုလ် မှ ဆရာ၊ ဆရာမများနှင့် ကျောင်းသား၊ ကျောင်းသူ စုစုပေါင်း ၄၅ ဦး ပါဝင်ခဲ့ကြပြီး တရုတ်နိုင်ငံ၏ စီးပွားရေးပညာရေးကို နက်ရှိုင်းစွာ လေ့လာခဲ့သည့်အပြင် တရုတ်ယဉ်ကျေးမှု၏ ဆွဲဆောင်မှုကိုလည်း ကိုယ်တိုင်ခံစားခဲ့ကြသည်။

ပါဝင်သူများသည် တရုတ်ဘာသာPinyinအသံထွက်စနစ် မှ စတင်လေ့လာခဲ့ပြီး နေ့စဉ်သုံးစကားပြောနှင့် စီးပွားရေးဆိုင်ရာ အသုံးအနှုန်းများအထိ အဆင့်ဆင့် တိုးတက်လေ့လာခဲ့ကြသည်။ ထို့အပြင် “Business Model Innovation”နှင့် “Building Brand Value in the Age of Artificial Intelligence”စသည့် အထူးဟောပြောပွဲများကို တက်ရောက်ခဲ့ကြပြီး စီးပွားရေးဆိုင်ရာ အမြင်နှင့် အသိပညာများကို ပိုမိုကျယ်ပြန့်စေခဲ့သည်။

ထို့နောက် စတော့အိတ်ချိန်းစာရင်းဝင်ကုမ္ပဏီRoyal Groupသို့ သွားရောက်ကာ ထုတ်လုပ်ရေးလိုင်းများကို လေ့လာကြည့်ရှုခဲ့ပြီး ဆွေးနွေးမှုများ ပြုလုပ်ခဲ့ကြသည်။ ထိုမှတစ်ဆင့် ကုမ္ပဏီ၏ စီမံခန့်ခွဲမှုဆိုင်ရာ လက်တွေ့လုပ်ငန်းများကို ကိုယ်တိုင်နားလည်သိရှိနိုင်ခဲ့ကြသည်။

ယဉ်ကျေးမှုဆိုင်ရာ အတွေ့အကြုံများအနေဖြင့် ယွန်းပန်ကာပြုလုပ်ခြင်း၊ ဇွမ်းတိုင်းရင်းသားရိုးရာအက၊ တရုတ်လက်ရေးပညာ လေ့ကျင့်ခြင်း၊ မျက်နှာဖုံးပန်းချီရေးဆွဲခြင်းနှင့်Zongziထုပ်လုပ်ခြင်း စသည့် လှုပ်ရှားမှုများတွင် ပါဝင်ခဲ့ကြပြီး တရုတ်ရိုးရာယဉ်ကျေးမှု၏ ထူးခြားဆွဲဆောင်မှု ကို နက်ရှိုင်းစွာ ခံစားခဲ့ကြသည်။

ထို့အပြင် ကိုယ်ပိုင်အုပ်ချုပ်ခွင့်ရဒေသ ပြတိုက်၊ တိုင်းရင်းသားလူမျိုးများပြတိုက်နှင့်Qingxiuတောင် တို့သို့ ယဉ်ကျေးမှုဆိုင်ရာ ကွင်းဆင်းလေ့လာရေးခရီးများ သွားရောက်ခဲ့ကြပြီး ကွမ်ရှီးဒေသ၏ သမိုင်းဝင်အမွေအနှစ်များနှင့် သဘာဝအလှအပများ ကို စူးစမ်းလေ့လာခဲ့ကြသည်။

နွေရာသီစခန်းကာလအတွင်း တရုတ်နှင့် ဗီယက်နမ် ကျောင်းသား၊ ကျောင်းသူများအကြား အပြန်အလှန်ဖလှယ်ဆွေးနွေးသည့် အစီအစဉ်များ ကိုလည်း ထည့်သွင်းကျင်းပခဲ့ကြသည်။

ဤနွေရာသီစခန်းသည် ယဉ်ကျေးမှုမတူညီသည့် နိုင်ငံများအကြား နက်ရှိုင်းစွာ ပါဝင်လေ့လာဖလှယ်မှုကို လက်တွေ့ဖော်ဆောင်သည့် အစီအစဉ်တစ်ရပ်သာမက၊ တရုတ်နှင့်ဗီယက်နမ် လူငယ်များက “တရုတ်–ဗီယက်နမ် အနာဂတ်အတူတကွမျှဝေသည့် အသိုက်အဝန်း” တည်ဆောက်ရေး အယူအဆကို လက်တွေ့အကောင်အထည်ဖော်နေမှု၏ ထင်ရှားသည့် သရုပ်ပြမှုတစ်ရပ် လည်း ဖြစ်သည်။အပြန်အလှန် ဖလှယ်ဆက်ဆံမှုများမှတစ်ဆင့် နှစ်နိုင်ငံလူငယ်များသည် အပြန်အလှန်နားလည်မှုကို ပိုမိုနက်ရှိုင်းစေခဲ့ကြပြီး၊ တရုတ်–ဗီယက်နမ် ပြည်သူအချင်းချင်းနှင့် ယဉ်ကျေးမှုဆိုင်ရာ ဖလှယ်မှုများအတွက် အင်အားသစ်နှင့် တက်ကြွမှုအသစ်များကို ဖြည့်ဆည်းပေးခဲ့ကြသည်။